Bangkok kritt am Dezember dëst Joer säin eegene Michelin-Guide. De Guide ass op Thai an Englesch publizéiert. Dat huet den Tourismus- a Sportministère matgedeelt.
Déi éischt Editioun konzentréiert sech op Bangkok, mat spéider Editioune mat Restauranten aus aneren Thai Destinatiounen.
Déi jäerlech publizéiert Michelin Red Guiden enthalen eng Auswiel vun Hoteler a Restauranten. D'Hoteler an d'Restaurante sinn a punkto Komfort an Design klasséiert mat Haiser (fir d'Hoteller) a Besteck (fir d'Restauranten), vun engem Haus/Bestech fir einfach Occasiounen bis fënnef fir déi absolut Luxusklass. Allerdéngs ass dës Klassifikatioun separat vun der Auszeechnung vu Michelin-Stären, well se haaptsächlech mat der Qualitéit vum Iessen ze dinn hunn.
Thailand ass elo dat sechst Land an Asien mat engem eegene Michelin Guide, et gi scho Guiden fir China, Japan, Südkorea, Hong Kong a Singapur. Laut Yuthasak Supasorn vun der TAT, hëlleft de Guide lokal Restauranten nach méi inspiréiert fir hir Qualitéit a Gastronomie ze verbesseren.
De Lionel Dantiacq, President vu Michelin Ostasien an Ozeanien, sot datt Bangkok eng vun de kulinaresche Haaptstied vun der Welt ass. Nieft dem berühmte Street Food ginn et och vill Top Restauranten. De Gaggan, dee viru kuerzem an den Top Ten vun de beschte Restauranten op der Welt koum, ass vläicht déi bekanntst.