"Loĝantoj de Kabin Buri viktimo de malbona administrado de akvo"
Loĝantoj de Kabin Buri (Prachin Buri) distrikto estas viktimoj de malbona akvoadministrado, diras Seree Supratid de la Kolegio pri Inĝenieristiko de Rangsit University. Estas malpli da pluvo ĉi-jare ol la pasinta jaro, sed la inundo estas la plej malbona en la pasintaj 25 jaroj.
Estas 4 metroj da akvo en la distrikto ekde merkredo kaj 1 metro ĉe la randoj. Tiu akvo venas de la provinco Sa Keao. Laŭ Seree kaj ankaŭ laŭ koleraj loĝantoj, la aŭtoritatoj devus esti malferminta digojn por dreni la akvon al kampoj, sed ili ne kuraĝis fari tion pro timo de konfliktoj kun kamparanoj kaj aliaj loĝantoj.
La trompitaj loĝantoj de Kabin Buri hieraŭ baris vojon en la urbo Kabin Buri en protesto. Ili minacas fosi vojon laŭ irigacia kanalo en Tambom Wandan, por ke la akvo forfluu.
Aliaj inundonovaĵoj punkto post punkto:
- En Si Maha Phot-distrikto (Prachin Buri), la akvo pliiĝis 20 cm kaj komencis inundi Ban Khok Mai Dang, kiu neniam antaŭe estis inundita [Ne certas ĉu "neniam" estas ĝusta]
- En Ubon Ratchatani, 16 distriktoj estis deklaritaj katastrofregionoj. Post tagoj da pluvego, 2.000 domoj kaj 20.000 rai da kamparo en 62 tambonoj estis inunditaj.
- Kvin distriktoj estis deklaritaj katastrofregionoj en Phitsanulok-provinco. Tie, 1.249 domoj kaj 4.721 rai de kamparo estas sub akvo.
- En la provinco Chaiyaphum, la rivero Ĉi superfluis siajn bordojn hieraŭ; tri inundodefendoj estis difektitaj kaj 300 domoj en tambon Thung Thong estis inunditaj. La akvo altas 1,8 metrojn. La akvo disvastiĝis plu al Chatturat-distrikto, kie ok tambonoj estis inunditaj.
- Dum fiŝkaptado, 64-jaraĝa loĝanto de tambon Lahan estis trenita en la akvon merkrede vespere. Li supozeble dronis.
- La akvonivelo en pluraj akvovojoj en Muang (Nakhon Ratchasima) altiĝas. Unu kanalo superfluis, inundante Ban Na Tom en tambon Nong Krathum.
- En Ayutthaya provinco, la rivero Chao Praya altiĝis 10 cm, igante la akvon en la distrikto Bang Ban altiĝi ankaŭ.
- La ĝenerala direktoro de la Akvuma Departemento diras, ke inundo en kelkaj nordorientaj provincoj inkluzive de Prachin Buri malpliiĝos ene de semajno.
(Fonto: Bangkok Post, la 27-an de septembro 2013)